IND vs NZ Match: भारत आणि न्यूझीलंड यांच्यात वनडे मालिकेतील पहिला सामना सुरु झाला आहे. पहिल्या सामन्याचे नाणेफेक भारतीय संघाने जिंकले. प्रथम गोलंजदाजी करण्याचा निर्णय घेतला. आता सामना सुरु होण्यापूर्वीच एक आनंदाची बातमी आली आहे. या बातमीमुळे शुभमन गिल आणि गौतम गंभीर यांचे मोठे टेन्शन दूर झाले आहे.
भारताचा वेगवान गोलंदाज प्रसिद्ध कृष्णा न्यूझीलंडविरुद्धच्या एकदिवसीय मालिकेपूर्वी पूर्णपणे तंदुरुस्त झाला आहे. भारतीय क्रिकेट नियामक मंडळाच्या (बीसीसीआय) सेंटर ऑफ एक्सलन्सने त्याला तंदुरुस्त घोषित केले आहे. बंगळूरुमध्ये गेल्या दोन दिवसांत घेण्यात आलेल्या सराव चाचण्यांनंतर, वैद्यकीय पथकाने त्याला न्यूझीलंड प्रवासासाठी परवानगी दिली आहे. तो लवकरच न्यूझीलंडमध्ये दाखल होऊन तेथे भारत ‘अ’ संघात सामील होण्याची शक्यता आहे. कृष्णा ७ नोव्हेंबरपासून सुरू होणाऱ्या तिसऱ्या आणि अंतिम अनधिकृत कसोटी सामन्यात खेळण्याची शक्यता आहे. तो ४ नोव्हेंबरपासून सुरू होणाऱ्या एकदिवसीय मालिकेत खेळू शकणार नाही.
प्रशिक्षक गौतम गंभीर आणि कर्णधार शुभमन गिल प्रसिद्धला कसोटी मालिकेसाठी एक महत्त्वाचा खेळाडू मानतात. जागतिक कसोटी चॅम्पियनशिपच्या (डब्ल्यूटीसी) शर्यतीत टिकून राहण्यासाठी भारत न्यूझीलंडमधील ही मालिका कोणत्याही परिस्थितीत जिंकण्यास उत्सुक असेल. गिल आणि गंभीर यांना एका सखोल योजनेसह सामन्याला सामोरे जायचे आहे. प्रसिद्ध हा जसप्रीत बुमराह आणि मोहम्मद सिराज यांच्यासोबत अंतिम ११ खेळाडूंमध्ये तिसरा वेगवान गोलंदाज असू शकतो.
कसोटी मालिका १९ नोव्हेंबर रोजी सुरू होत असून, पहिली कसोटी वेलिंग्टन येथे खेळवली जाईल. त्यानंतर दुसरी कसोटी २७ नोव्हेंबरपासून क्राइस्टचर्च येथे खेळवली जाईल. सध्याच्या जागतिक कसोटी चॅम्पियनशिप चक्रात भारताला अजून एकूण सात कसोटी सामने खेळायचे आहेत. त्यापैकी दोन न्यूझीलंडविरुद्ध, तर उर्वरित पाच मायदेशात ऑस्ट्रेलियाविरुद्ध खेळले जातील. भारतीय संघ यापैकी एकापेक्षा जास्त कसोटी सामने हरू शकत नाही. तसे झाल्यास, अंतिम फेरीत पोहोचण्याची त्यांची शक्यता लक्षणीयरीत्या कमी होईल.
शुभमन गिल (कर्णधार), यशस्वी जैस्वाल, देवदत्त पडिक्कल, साई सुदर्शन, नितीश कुमार रेड्डी, रवींद्र जडेजा, अंशुल कंबोज, वॉशिंग्टन सुंदर, केएल राहुल (यष्टीरक्षक), ऋषभ पंत (यष्टीरक्षक), ध्रुव जुरेल (यष्टीरक्षक), जसप्रीत बुमराह, प्रसिद्ध कृष्णा, आकाश दीप, कुलदीप यादव, मोहम्मद सिराज.
Source: TV9 Marathi National
