ಬೆಂಗಳೂರು, ನವೆಂಬರ್ 7: ದೀಪಾವಳಿ ಹಬ್ಬ ಸಮೀಪಿಸುತ್ತಿದ್ದರೂ, ಬೆಂಗಳೂರು-ಹೊಸೂರು ಗಡಿಭಾಗದ ಅತ್ತಿಬೆಲೆ ಪಟಾಕಿ ಮಾರುಕಟ್ಟೆಯಲ್ಲಿ ಈ ವರ್ಷ ನಿರೀಕ್ಷಿತ ವ್ಯಾಪಾರ ನಡೆದಿಲ್ಲ. ಕಳೆದ ವರ್ಷಕ್ಕೆ ಹೋಲಿಸಿದರೆ ಶೇ 30ರಷ್ಟು ಮಾರಾಟ ಇಳಿಕೆಯಾಗಿದೆ ಎಂದು ಅಂಗಡಿ ಮಾಲೀಕರು ಹೇಳುತ್ತಿದ್ದಾರೆ. ಪರಿಸರ ಮಾಲಿನ್ಯ ತಡೆಗಟ್ಟುವ ದೃಷ್ಟಿಯಿಂದ ಈ ಬಾರಿ ಕೇವಲ ಹಸಿರು ಪಟಾಕಿಗಳನ್ನು ಮಾತ್ರ ಮಾರಾಟ ಮಾಡಲು ಅನುಮತಿ ನೀಡಲಾಗಿದೆ. ಪ್ರತಿಯೊಂದು ಪಟಾಕಿ ಬಾಕ್ಸ್ ಮೇಲೂ ಕ್ಯೂಆರ್ ಕೋಡ್ ಇದ್ದು, ಗ್ರಾಹಕರು ಹಸಿರು ಪಟಾಕಿಗಳೆನ್ನೇ ಖರೀದಿಸುತ್ತಿದ್ದಾರೆ.
ಎನ್.ಜಿ.ಟಿ. ಆದೇಶದಂತೆ ಹಸಿರು ಪಟಾಕಿಗಳ ಕಡ್ಡಾಯ ಮಾರಾಟ, ದರದಲ್ಲಿ ಯಾವುದೇ ಬದಲಾವಣೆ ಇಲ್ಲದಿದ್ದರೂ, ಮಳೆ ಮತ್ತು ಗ್ರಾಹಕರ ಕೊರತೆ ವ್ಯಾಪಾರ ಕುಸಿತಕ್ಕೆ ಕಾರಣವೆಂದು ವ್ಯಾಪಾರಿಗಳು ಅಭಿಪ್ರಾಯಪಟ್ಟಿದ್ದಾರೆ. ಅತ್ತಿಬೆಲೆ ಪ್ರದೇಶವು ಸಗಟು ದರದಲ್ಲಿ ಪಟಾಕಿಗಳು ಸಿಗುವ ತಾಣವಾಗಿ ಜನಪ್ರಿಯವಾಗಿದೆ. ವ್ಯಾಪಾರಿಗಳು ಮುಂದಿನ ದಿನಗಳಲ್ಲಿ ಮಾರಾಟ ಹೆಚ್ಚಾಗಬಹುದೆಂಬ ನಿರೀಕ್ಷೆಯಲ್ಲಿದ್ದಾರೆ.
ಕರ್ನಾಟಕದ ಮತ್ತಷ್ಟು ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Source: TV9 Kannada National
