सध्या गोकुळची निवडणूक प्रक्रिया सुरु आहे. या दरम्यान मुख्यमंत्री देवेंद्र फडणवीस यांनी अनौपचारिक गप्पांमध्ये गोकुळ संदर्भात महत्वपूर्ण भाष्य केलं आहे. “गोकुळसंदर्भात मी कायदा आणि संस्थेच्या मागे आहे. गोकुळ संदर्भात आधीही सांगितलं, एक प्रकारे वैधानिक पेच निर्माण झाला. एका गटाचे 13 तर दुसऱ्याचे 12 सदस्य झाले. कोरम पूर्ण होत नव्हता, एकाच्या भरवशावर अध्यक्ष होऊ शकत नव्हता. सरकारला वाटलं असतं निवडणुकीनंतर लगेच संचालक टाकले असते. डीडीआर पण असतो. मात्र कोरमसाठी बहुमत नाही हे लक्षात आल्यावर निर्णय झाला आहे” असं मुख्यमंत्री देवेंद्र फडणवीस यांनी गोकुळसाठी चार शासन नियुक्त संचालक नेमण्याच्या निर्णयावर सांगितलं. “उच्च न्यायालयात काल अध्यादेशात डिफेक्ट नाही असं सांगितलं. चार जणांची मतं वेगळी ठेवा आणि इलेक्शन पूर्ण करा असं सांगितलं. खुलेपणाने सांगितले होतं, सतेज पाटील आणि मुश्रीफ यांनी एकत्र येत निर्णय केला असता तर संचालक पाठवले नसते” असं मुख्यमंत्री फडणवीस म्हणाले.
“मात्र राजकीय रंग दिला गेला. राहुल गांधी देखील त्यात उतरले. मी संस्थेच्या पाठीशी आहे. सहकाराच्या क्षेत्रातील अनुभव असलेल्यांना गोकुळ मध्ये नेमले आहेत. एक गायनॅकोलॉजिस्ट असेल तर त्यात चूक काय?. आता देशाच्या विरोधी पक्षनेत्याला जर लक्ष घालावे लागत आहे तर गायनॅकोलॉजिस्ट तर साधा माणूस आहे” असं देवेंद्र फडणवीस यांनी सांगितलं. “कायद्याच्या मागे मी आहे. कोणा एका व्यक्तीच्या मागे नाही. कोणताही एक गट सत्ता सथापन करू शकत नाही अशी स्थिती आली. जर सरकारला करायचं असतं लगेच केलं असतं. दोघांकडे कोरम नसल्याने सरकारने निर्णय घेतला” असं देवेंद्र फडणवीस म्हणाले.
एवढं राजकारण केलं जात आहे
“आता प्रकरण न्यायप्रविष्ट आहे. एवढं राजकारण केलं जात आहे. यात राहुल गांधी सुद्धा उतरले” असं देवेंद्र फडणवीस म्हणाले. गोकुळच्या अध्यक्षपदाची निवडणूक प्रक्रिया सुरु. महायुतीकडून अध्यक्षपदासाठी राजेश पाटील तर समविचारी आघाडीकडून शशिकांत पाटील उमेदवार. 1.10 मिनिटांनी अध्यक्षपदाची अंतिम उमेदवार यादी जाहीर होणार. अर्ज मागे घेण्यासाठी 12.25 ते 12.55 म्हणजे तीस मिनिटांचा वेळ.
Source: TV9 Marathi National
