Hashtagintro

Notice to Red Bull: रेड बुलवर FSSAI ची कारवाई, 'एनर्जी ड्रिंक' लेबलवरून नोटीस

प्रसिद्ध सॉफ्ट ड्रिंक ब्रँड रेड बुलला (Red Bull) भारतीय अन्न सुरक्षा आणि मानक प्राधिकरणाने (FSSAI) नोटीस बजावली आहे. रेड बुलमधील साखरेचे प्रमाण जास्त असल्याबद्दल चिंता व्यक्त करत त्याच्या ‘एनर्जी ड्रिंक’ या लेबलवर आक्षेप घेण्यात आला आहे. हे लेबल लोकांना अतिरिक्त साखरेचे जास्त सेवन करण्यास प्रवृत्त करू शकते, असे FSSAI चे म्हणणे आहे.रेड बुलला सात दिवसांत उत्तर देण्यास सांगण्यात आले आहे. ‘एनर्जी ड्रिंक’ हा शब्द का वापरू नये, याबाबत स्पष्टीकरण मागण्यात आले आहे. या लेबलमुळे ग्राहकांची दिशाभूल होण्याची आणि अतिरिक्त साखरेचे जास्त सेवन करण्याची शक्यता असल्याचे नोटीसमध्ये म्हटले आहे.
या नोटीसमध्ये रेड बुलच्या पोषणमूल्यावरही प्रश्न उपस्थित करण्यात आले आहेत. त्यातून मिळणारी ऊर्जा मोठ्या प्रमाणात साखरेपासून मिळते, असे FSSAI ने म्हटले आहे. भारतात पहिल्यांदाच एनर्जी ड्रिंक्सबाबत आरोग्याची चिंता व्यक्त करत कंपन्यांना त्यांच्या घटकांबाबत प्रश्न विचारण्यात आले आहेत.”उत्पादनाच्या एनर्जीशी संबंधित दाव्यांना वैज्ञानिक आणि नियामक आधार असणे आवश्यक आहे,” असे नोटीसमध्ये नमूद करण्यात आले आहे. याबाबत रेड बुल किंवा FSSAI कडून अद्याप कोणतीही अधिकृत प्रतिक्रिया आलेली नाही.हा वाद जून महिन्यात सुरू झाला होता. त्यानंतर हे प्रकरण दिल्ली उच्च न्यायालयात पोहोचले.
https://www.prahaar.in/2026/11/16/protests-in-the-philippines-against-trumps-visit-demonstrators-cause-a-stir-on-the-streets-of-manila/
महिन्याभरापूर्वीच दिल्ली उच्च न्यायालयाने FSSAI चा आदेश रद्द केला होता. FSSAI ने रेड बुलला ‘एनर्जी ड्रिंक’ हा शब्द वापरू नये, असे निर्देश दिले होते. मात्र कंपनीला आपली बाजू मांडण्याची संधी न देता हा आदेश दिला गेला, असे न्यायालयाने म्हटले होते.न्यायमूर्ती अमित महाजन यांच्या खंडपीठाने FSSAI ला कंपनीचे म्हणणे ऐकून प्रकरणावर नव्याने विचार करण्याचे निर्देश दिले होते. ३० जून २०२६ चा आदेश कोणतेही उत्तर मागवले न जाता काढण्यात आला होता, असे न्यायालयाने नमूद केले होते.रेड बुलने ३० जूनच्या आदेशाला आणि १७ जुलैच्या पत्राला आव्हान दिले होते. या पत्राद्वारे राज्यांतील अन्न सुरक्षा अधिकाऱ्यांना कारवाई करण्यास सांगण्यात आले होते. त्यामुळे देशातील अनेक ठिकाणी रेड बुलची उत्पादने जप्त करण्यात आल्याचा दावा कंपनीने केला होता.आता नव्या नोटीसीनंतर हा वाद पुन्हा पेटण्याची शक्यता आहे.

Source: Prahaar News

Read full article on Prahaar News

Leave a Comment

Your email address will not be published. Required fields are marked *

समाचार की भाषा चुनें / Choose News Language