कोल्हापूरमधील गोकुळ दूध संघाच्या संचालक मंडळातील नामनिर्देशित सदस्यांना मतदान अधिकार देण्याच्या निर्णयाविरोधात तीव्र आंदोलन सुरू आहे. विवेकानंद पाटील यांनी शेतकऱ्याचा मुलगा म्हणून या आंदोलनात सहभाग घेत, नामनिर्देशित सदस्यांच्या मतदान हक्कास विरोध दर्शवला. पाटील यांनी स्पष्ट केले की, जर बंटी पाटलांच्या नेतृत्वाखालील पॅनेलला बहुमत मिळाले, तर अध्यक्ष त्यांच्याच बहुमताचा असावा.
पाटील यांनी असा युक्तिवाद केला की, नामनिर्देशित सदस्यांना मतदानाचा अधिकार दिल्यास दूध उत्पादकांवर सरळ अन्याय होईल. ते म्हणाले की, हे नामनिर्देशित सदस्य मागल्या दारानं आत घुसणारे असून, निवडून आलेला अध्यक्ष हा चेअरमन असतो, तर नामनिर्देशित सदस्यांच्या माध्यमातून नेमला जाणारा अध्यक्ष हा चोरमन असतो. आम्हाला आमच्या हक्काचा चेअरमन हवा, अशी त्यांची भूमिका होती. शेतकऱ्यांच्या कष्टाचे दूध काढून लोणी काढण्याचा हा प्रयत्न असून, राज्यातील एका नाकारलेल्या मंत्र्याचा यामागे हात असल्याचा आरोपही त्यांनी केला.
Source: TV9 Marathi National
