एनव्हिडियाचे सीईओ जेन्सन हुआंग आणि एका चिनी गुप्तहेराच्या प्रेमसंबंधांच्या बातमीने अमेरिकेपासून चीनपर्यंत खळबळ उडाली आहे. जगातील सर्वात मोठ्या सेमीकंडक्टर चिप उत्पादक कंपनीचे सीईओ एका चिनी गुप्तहेराच्या जाळ्यात कसे अडकले, यावर जगभरात जोरदार चर्चा सुरू आहे. चीनने हेरगिरीचे हे अहवाल स्पष्टपणे नाकारले असले तरी, प्रश्न उपस्थित होणे अटळ आहे.
आता प्रश्न असा आहे की, एनव्हिडियाच्या सीईओने आपल्या कंपनीशी आणि अमेरिकन तंत्रज्ञानाशी संबंधित गोपनीय माहिती एका चिनी गुप्तहेराला दिली होती का? तसे असल्यास त्याचे परिणाम काय होतील?न्यूयॉर्क पोस्टने एका अहवालात याची चौकशी केली. ज्यामध्ये हुआंगने एलिसला दिलेल्या माहितीचा चीनला कसा फायदा झाला असेल आणि बीजिंगला अमेरिकेच्या कृत्रिम बुद्धिमत्ता उद्योगाची आणि अमेरिकेच्या तंत्रज्ञान धोरणांची पूर्व माहिती मिळाली असेल का, याचे परीक्षण केले.
तज्ञांच्या मते, चिंता केवळ गोपनीय कागदपत्रे किंवा तांत्रिक गुपिते सोपवण्यापुरती मर्यादित नाही. जागतिक एआय शर्यतीच्या केंद्रस्थानी असलेल्या सीईओसोबतच्या साध्या संभाषणातूनही कंपनीची दिशा, प्राधान्यक्रम आणि धोरणकर्त्यांच्या विचारांविषयी गुप्त माहिती उघड होऊ शकते. असेही म्हटले जात आहे की, चिनी गुप्तहेर ॲलिसने एनव्हिडियाच्या भविष्यातील उत्पादन योजना, आगामी चिप्सबद्दलची व्यापारी गुपिते, संशोधन धोरणे आणि व्यावसायिक निर्णयांची माहिती मिळवली असावी.
जेन्सन हुआंग यांना अध्यक्ष डोनाल्ड ट्रम्प यांच्यापर्यंत थेट पोहोच होती. ट्रम्प यांच्या दुसऱ्या कार्यकाळात ते त्यांना अनेक वेळा भेटले होते. त्यामुळे, एलिस यांना एआय, सेमीकंडक्टर निर्यातीवरील निर्बंध आणि अमेरिका-चीन स्पर्धा यांबाबत ट्रम्प प्रशासनाच्या विचारसरणीची माहिती मिळाली असावी. जॉर्जटाउन युनिव्हर्सिटीच्या सेंटर फॉर सिक्युरिटी अँड इमर्जिंग टेक्नॉलॉजीचे संशोधक सॅम ब्रेस्निक म्हणतात की, ट्रम्प यांच्याशी जवळीक आणि एका मोठ्या टेक कंपनीचे सीईओ असल्यामुळे जेन्सन हुआंग हे चिनी गुप्तचर यंत्रणेचे थेट लक्ष्य होते.
अमेरिका-चीन टेक युद्धात एनव्हिडियाचे स्थान अद्वितीय आहे. एनव्हिडियाचे ग्राफिक्स प्रोसेसिंग युनिट्स जगातील बहुतांश एआयपायाभूत सुविधांना शक्ती देतात. अमेरिका आपल्या सर्वात प्रगत चिप्ससह, प्रगत संगणकीय तंत्रज्ञानापासून चीनला दूर ठेवण्याचा प्रयत्न करत आहे. दुसरीकडे हुआंग यांनी अमेरिकन कंपन्यांना चिनी बाजारपेठेत व्यवसाय करण्याची परवानगी देण्याचे वारंवार समर्थन केले आहे. अलीकडील एका मुलाखतीत, त्यांनी म्हटले की एनव्हिडिया चीनसाठी खूप उपयुक्त ठरू शकते. एका चिनी गुप्तहेरासोबतच्या प्रेमसंबंधांच्या त्यांच्या कबुलीजबाबामुळे अनेक प्रश्न निर्माण झाले आहेत.
Source: TV9 Marathi National
