Hashtagintro

थंडीच्या दिवसांत रोज खा सुंठीचे लाडू; शरीराला मिळतील अनेक फायदे, पाहा सोपी रेसिपी

थंडीच्या दिवसांत रोज खा सुंठीचे लाडू; शरीराला मिळतील अनेक फायदे, पाहा सोपी रेसिपी

हिवाळा सुरू होताच शरीराला आतून उब मिळावी आणि थंडीचा त्रास कमी व्हावा यासाठी घराघरांत विविध पौष्टिक पदार्थ बनवले जातात. विशेषतः या दिवसांत महिला डिंकाचे, मेथीचे आणि सुंठाचे लाडू आवर्जून तयार करतात. यापैकी सुंठाचे लाडू केवळ चवीला स्वादिष्ट नसून आरोग्यासाठीही फायदेशीर मानले जातात. सुंठ, गूळ आणि इतर पौष्टिक पदार्थांपासून तयार केलेले हे लाडू शरीराला उब देण्यास मदत करतात.

तसेच पाठदुखी, घसा खवखवणे आणि कमकुवत प्रतिकारशक्ती यांसारख्या समस्यांमध्येही ते उपयुक्त ठरू शकतात. त्यामुळे या हिवाळ्यात घरच्या घरी हे चविष्ट आणि पौष्टिक लाडू नक्की बनवून पाहा. चला तर मग, जाणून घेऊया सुंठाचे लाडू बनवण्यासाठी लागणारे साहित्य आणि सोपी कृती.

सुंठीचे लाडू बनवण्यासाठी आवश्यक साहित्य

– २५ ग्रॅम सुंठ

– २५० ग्रॅम गूळ

– १२५ ग्रॅम देशी तूप

– ३/४ कप गव्हाचे पीठ

– ३५ ग्रॅम बदाम

– ५० ग्रॅम डिंक

– १२ पिस्ता काप केलेले

– १ वाटी सुके खोबरे किसलेले

सुंठीचे लाडू बनवण्याची कृती

सुंठाचे लाडू बनवण्यासाठी प्रथम डिंकाचे छोटे तुकडे करा आणि पिस्ता बारीक कापून झाल्यावर बदाम देखील मिक्सरमध्ये बारीक करून पेस्ट बनवा. आता कढईत देशी तूप गरम करा. त्यानंतर त्यात डिंकाचे तुकडे टाकून तळून घ्या. डिंक फुगून मोठा झाला की ताटात अलगद काढा. आता उरलेल्या तुपात गव्हाचे पीठ घाला आणि चमच्याने सतत ढवळत राहा. पीठ हलके सोनेरी तपकिरी करा. पीठ भाजल्यावर कोरड्या ताटात काढा.

आता कढईत तूप गरम करून त्यात सुंठ पावडर टाकून १ ते दीड मिनिटे परतून घ्या. आता ते एका प्लेटमध्ये पिठासह काढा. डिंक थंड झाल्यावर ताटातच दाबून कुस्करून घ्या. आता कढई मंद आचेवर ठेवा आणि त्यात बारीक केलेला गूळ टाका. गूळ चांगला वितळल्यावर गॅस बंद करून गुळात पीठ, सुंठ, डिंक, बदाम पावडर, नारळ आणि पिस्ता घालून चमच्याने चांगले मिक्स करा.

गॅसवरून कढई उतरवून खाली ठेवा. हे मिश्रण थोडे थंड झाल्यावर तळहातात थोडे पाणी टाकून लाडू बांधून घ्या. हे लाडू काही वेळ हवेत बाहेर राहू द्या, जेणेकरून ते चांगले बांधले जातील. तुमचे टेस्टी सुंठीचे लाडू तयार आहेत.

Source: TV9 Marathi Health

Read full article on TV9 Marathi Health

Leave a Comment

Your email address will not be published. Required fields are marked *

समाचार की भाषा चुनें / Choose News Language