पंतप्रधान नरेंद्र मोदी यांनी नक्षलवादाविरोधातील लढाई सोपी नसल्याचे नमूद करत, हे यश देशाच्या योग्य धोरणांचे, दृढ इच्छाशक्तीचे आणि जवानांच्या शौर्य, साहस व संयमाचे प्रतीक असल्याचे म्हटले. प्रतिकूल परिस्थितीतही सुरक्षा दल आणि पोलीस दलाचे जवान डटून राहिले, ही त्यांच्या कर्तव्यपरायणतेची जीत आहे. राष्ट्रीय सुरक्षेसाठी सरकारने एकापाठोपाठ अनेक कठोर निर्णय घेतले, ज्यांची आजही अनेकांना माहिती नाही. या निर्णयांनी नक्षलवादी आणि फुटीरतावाद्यांच्या आर्थिक स्रोतांवर मोठा आघात केला.
बनावट नोटांचे जाळे उद्ध्वस्त करून त्यांची आर्थिक कंबर मोडण्यात आली आणि त्यांची संपूर्ण पुरवठा साखळीच थांबवली. यामुळे शस्त्रांचा पुरवठा बंद झाला आणि नक्षलवाद्यांच्या हालचाली व भरतीवर अंकुश लागला. पूर्वीच्या सरकारांनी सुरक्षा दलांचे हात बांधून ठेवले होते, ज्यामुळे त्यांना प्रत्युत्तर देण्याचे स्वातंत्र्य नव्हते. मात्र, आम्ही सुरक्षा दलांना प्रत्येक आवश्यक निर्णय घेण्याचे स्वातंत्र्य दिले, असे पंतप्रधान मोदींनी स्पष्ट केले. सरकार आणि व्यवस्थेतील काही घटकांकडून डाव्या विचारसरणीच्या अतिरेक्यांना मिळणारा पाठिंबाही थांबवण्यात आला. कोणताही प्रचार किंवा देखावा न करता, संवेदनशीलतेने काम करत हे मोठे उद्दिष्ट साध्य करण्यासाठी सरकार कटिबद्ध होते.
Source: TV9 Marathi National
