ಬಿಗ್ ಬಾಸ್ ಕನ್ನಡ ಮನೆಯಲ್ಲಿ ಈ ವಾರದ ಎಲಿಮಿನೇಷನ್ ಬಗ್ಗೆ ಪ್ರೇಕ್ಷಕರಲ್ಲಿ ಭಾರೀ ಕುತೂಹಲ ಮೂಡಿದೆ. ಪ್ರತಿ ವಾರ ಶನಿವಾರದ ಸಂಚಿಕೆಗೂ ಮುನ್ನ ಪ್ರೋಮೋದಲ್ಲಿ ನಾಮಿನೇಟ್ ಆದವರು ಯಾರು, ಎಲಿಮಿನೇಟ್ ಆಗೋರು ಯಾರು ಎಂದು ಪ್ರಶ್ನೆ ಮಾಡುವಂತ ಪ್ರೋಮೋ ಬಿಡಲಾಗುತ್ತಿತ್ತು. ಆದರೆ ಈ ಬಾರಿ ಬಿಡುಗಡೆಯಾಗಿರುವ ಪ್ರೋಮೋದಲ್ಲಿ ಅದಕ್ಕೆ ಭಿನ್ನವಾದ ದೃಶ್ಯಗಳು ಕಂಡುಬಂದಿವೆ. ಅಲ್ಲದೆ, ಈ ವಾರ ವೋಟಿಂಗ್ ಇಲ್ಲ. ಇದರಿಂದ ಈ ವಾರ ಮನೆಯಿಂದ ಯಾರೂ ಹೊರಹೋಗುವುದಿಲ್ಲ ಎಂಬ ಚರ್ಚೆ ಜೋರಾಗಿ ನಡೆಯುತ್ತಿದೆ.
ಈ ವಾರ ಮನೆಯ ಸದಸ್ಯರ ಪತ್ರಗಳನ್ನು ಓದಿ ಭಾವುಕರಾಗಿದ್ದಾರೆ. ಕೆಲವರ ನಡುವೆ ಮನಸ್ತಾಪ ಹಾಗೂ ಮಾತಿನ ಚಕಮಕಿ ಕೂಡ ನಡೆದಿದೆ. ಅಕ್ಷರಗಳ ಆಟದ ಮೂಲಕ ಸ್ಪರ್ಧಿಗಳ ಭಾವನೆಗಳನ್ನು ಬಡಿದೆಬ್ಬಿಸುವ ಪ್ರಯತ್ನ ಮಾಡಲಾಗಿದೆ. ಶನಿವಾರದ ಸಂಚಿಕೆಯಲ್ಲಿ ಸುದೀಪ್ ಅವರು ಯಾವ ವಿಚಾರಗಳನ್ನು ಪ್ರಸ್ತಾಪಿಸಲಿದ್ದಾರೆ ಎಂಬ ಕಾತರ ಹೆಚ್ಚಾಗಿದೆ. ಇಂದು ರಾತ್ರಿ ಒಂಬತ್ತು ಗಂಟೆಗೆ ಪ್ರಸಾರವಾಗುವ ಸಂಚಿಕೆಯಲ್ಲಿ ಎಲ್ಲ ಸಂಗತಿಗಳು ಬಹಿರಂಗಗೊಳ್ಳಲಿವೆ.
ಇನ್ನಷ್ಟು ಸಿನಿಮಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ.
Source: TV9 Kannada Entertainment
