ജനപ്രതിനിധികളെയും നേതാക്കളെയും കായികമായി നേരിടാമെന്നത് ഭരണകൂടത്തിന്റെ വ്യാമോഹം;സണ്ണി ജോസഫ്

മുഖ്യ തെരഞ്ഞെടുപ്പ് കമ്മീഷണറുടെ രാജി ആവശ്യപ്പെട്ട് സമാധാനപരമായി പ്രതിഷേധ മാർച്ച് നയിച്ച രാഹുൽ ഗാന്ധിയെ അറസ്റ്റ് ചെയ്യുകയും അതിനെ പ്രതിരോധിക്കാൻ ശ്രമിച്ച എ.ഐ.സി.സി ജനറൽ സെക്രട്ടറി  കെ.സി. വേണുഗോപാലിനെ ഡൽഹി പോലീസ് അതിക്രൂരമായി മർദ്ദിക്കുകയും ചെയ്ത നടപടി അങ്ങേയറ്റം അപലപനീയവും ഫാസിസ്റ്റ് മനോഭാവത്തിന്റെ തെളിവുമാണെന്ന് കെപിസിസി അധ്യക്ഷൻ സണ്ണി ജോസഫ്. അകാരണമായി കോടിക്കണക്കിന് ജനങ്ങളുടെ വോട്ടവകാശം ഇല്ലാതാക്കിയെന്നത് പ്രകടമാണ്.

Source: Oneindia Malayalam Lifestyle (Malayalam)