वेलिंग्टन: भारतीय क्रिकेट विश्वातून एक मोठी बातमी समोर येत आहे. भारतीय संघाचा अनुभवी वेगवान गोलंदाज भुवनेश्वर कुमार जवळपास 4 वर्षांच्या दीर्घ प्रतीक्षेन्यानंतर पुन्हा एकदा भारतीय टी-20 संघात परतला आहे. नोव्हेंबर 2022 नंतर त्याने राष्ट्रीय संघात पुनरागमन केले आहे. परंतु, संघात पुनरागमन केल्यावर या 36 वर्षीय गोलंदाजाने जे म्हटले आहे, ते ऐकून सर्वजण थक्क झाले आहेत. भुवनेश्वरने स्पष्ट केले की, भारतीय संघात परतण्यासाठी तो कधीही क्रिकेट खेळला नाही. त्याचे लक्ष नेहमीच आगामी स्पर्धा आणि आव्हानांवर केंद्रित राहिले आहे.
न्यूझीलंडविरुद्धच्या 3 टी-20 आंतरराष्ट्रीय सामन्यानंतर भुवनेश्वरने माध्यमांशी बोलताना सांगितले की, भारतासाठी खेळणे ही प्रत्येक खेळाडूसाठी अभिमानाची बाब आहे, पण ते साध्य करण्यासाठी त्याने कोणतेही विशिष्ट किंवा मोठे ध्येय ठेवले नव्हते. तो म्हणाला, “खरं सांगायचं तर, भारतीय संघात परत येण्यासाठी मी कोणतीही घाई केली नाही. हो, हे नक्कीच एक स्वप्न आहे आणि मी आनंदी नाही असं मी अजिबात म्हणत नाही. देशाचे प्रतिनिधित्व करणे ही अभिमानाची गोष्ट आहे.” गेल्या काही वर्षांत त्याच्या फिटनेसवर आणि कामगिरीवर बऱ्याच चर्चा रंगल्या होत्या. यावर बोलताना तो पुढे म्हणाला, “गेल्या 4 वर्षांत, क्रिकेट आणि फिटनेस या दोन्ही बाबतीत माझ्यासमोर आलेल्या सर्व आव्हानांना आणि कठीण प्रसंगांना मी धैर्याने सामोरे गेलो आहे. केवळ भारतीय संघात परत मिळवण्यासाठीच मला क्रिकेट खेळावे लागेल, असा विचार मी माझ्या आयुष्यात कधीही केला नाही.”
https://www.prahaar.in/2026/10/28/ind-vs-nz-team-india-selection-headache-who-will-open-with-abhishek-samson-ishan-or-vaibhav/
भुवनेश्वर आपल्या भविष्यासाठी फार दूरचा विचार करत नाहीये. न्यूझीलंडविरुद्धच्या मालिकेनंतर आता त्याला देशांतर्गत क्रिकेट खेळायचे आहे. त्याने आगामी विजय हजारे ट्रॉफी आणि सय्यद मुश्ताक अली ट्रॉफीमध्ये खेळण्याची तीव्र इच्छा व्यक्त केली आहे. त्याच्या या निर्णयामुळे युवा खेळाडूंना मोठी प्रेरणा मिळणार यात शंका नाही. विशेष म्हणजे, मागील आयपीएल 2025 मध्ये 17 बळी आणि 2026 च्या हंगामात तब्बल 28 बळी घेणारा भुवनेश्वर हा रॉयल चॅलेंजर्स बंगळूरु (RCB) संघाच्या विजयाचा मुख्य शिल्पकार ठरला होता. त्याच्या याच भेदक आणि प्रभावी कामगिरीमुळे आरसीबीला सलग 2 विजेतेपदे जिंकणे शक्य झाले आणि भारतीय संघात त्याच्या पुनरागमनाचा मजबूत पाया रचला गेला. आता देशांतर्गत क्रिकेटमध्ये तो कशी कामगिरी करतो, याकडे संपूर्ण देशाचे लक्ष लागले आहे.
Source: Prahaar News
