Hashtagintro

Jalsa Bunglow : कौटुंबिक प्रॉपर्टी वाद, अमिताभ यांच्या ‘जलसा’ बंगल्याची दुसरी बाजू, गिफ्टमध्ये मिळालेला हा बंगला अमिताभनी विकला नंतर पुन्हा..

Jalsa Bunglow : कौटुंबिक प्रॉपर्टी वाद, अमिताभ यांच्या ‘जलसा’ बंगल्याची दुसरी बाजू, गिफ्टमध्ये मिळालेला हा बंगला अमिताभनी विकला नंतर पुन्हा..

सध्या अमिताभ बच्चन यांचा ‘जलसा’ बंगला चर्चेत आहे. अमिताभ बच्चन यांचे भाऊ अजिताभ यांच्या पत्नी रमोला बच्चन यांनी 1993 सालच्या एका गिफ्ट डिडला आव्हान दिलं आहे. माझ्या संमतीशिवाय ‘जलसा’ बंगला जया बच्चन यांच्या नावावर करण्यात आला, असं रमोला बच्चन यांचं म्हणणं आहे. या संदर्भात अमिताभ यांच्या वहिनी रमोला बच्चन यांनी गेल्या सात महिन्यांत नोंदणी विभागाच्या अधिकाऱ्यांकडे अनेक तक्रारी दिल्या आहेत. या ‘जलसा’ बंगल्याची दुसरी बाजू सुद्धा आहे ती फार कमी जणांना माहितीय. अमिताभ बच्चन यांच्या भारतात आणि परदेशात अनेक प्रॉपर्टीज आहेत. पण मुंबईच्या जुहू भागात असलेले त्यांचे दोन बंगले यांना अमिताभ यांच्या आयुष्यात विशेष स्थान आहे.

सध्या ‘जलसा’ बंगल्यात अमिताभ बच्चन यांचं वास्तव्य आहे. ‘प्रतिक्षा’ या बंगल्यात अमिताभ यांच्या अनेक आठवणी आहेत. बच्चन कुटुंब ‘प्रतिक्षा’ बंगल्यातही रहायचं. अमिताभ यांनी त्यांच्या करिअरमध्ये जे शिखर गाठलं, हे दोन्ही बंगले त्याचे साक्षीदार आहेत. ‘जलसा’ हा दोन मजली 10,125 चौरस मीटरमध्ये पसरलेला बंगला आहे. जवळपास 100 कोटीच्या घरात या बंगल्याची किंमत आहे. जलसा बंगल्यात अमिताभ त्यांची पत्नी जया बच्चन, मुलगा अभिषेक, सून ऐश्वर्या आणि नात आराध्या राहतात.

बंगला गिफ्टमध्ये का दिला?

या जलसा बंगल्याचं मूळ नाव मनसा होतं. निर्माते एनसी सिप्पी यांच्या मालकीचा हा बंगला होता. 1982 साली बॉक्स ऑफिसवर अमिताभ यांचा ‘सत्ते पे सत्ता’ तुफान हिट ठरला. एनसी सिप्पी यांचा मुलगा राज सिप्पीने या चित्रपटाचं दिग्दर्शन केलं होतं. ‘सत्ते पे सत्ता’ हिट ठरला म्हणून एनसी सिप्पी यांनी अमिताभ यांना हा बंगला गिफ्ट केला. अमिताभ यांना कामाचा मोबदला म्हणून हा बंगला गिफ्ट केला होता. अमिताभ यांनी नंतर हा बंगला विकला व जया बच्चन यांच्या आग्रहाखातर पुन्हा जास्त किंमतीला खरेदी केला. त्यावेळी ‘मनसा’ वरुन या बंगल्याचं नाव बदलून ‘जलसा’ करण्यात आलं. जया बच्चन यांच्या इच्छेखातर अमिताभ यांनी हा बंगला पुन्हा विकत घेतला.

Source: TV9 Marathi Entertainment

Read full article on TV9 Marathi Entertainment

Leave a Comment

Your email address will not be published. Required fields are marked *

समाचार की भाषा चुनें / Choose News Language