मराठमोळी अभिनेत्री प्राजक्ता माळी ही गेल्या काही दिवसांपासून तिच्या आगामी प्रोजेक्ट्समुळे चर्चेत आहे. ती लवकर अभिनेता आदिनाथ कोठारेसोबत काम करणार आहे. प्राजक्ता सोशल मीडियाच्या माध्यमातून सतत नवनवीन अपडेट्स चाहत्यांसोबत शेअर करत असते. पण नुकताच शेअर केलेल्या एका पोस्टमुळे तिला ट्रोल केले जात आहे.
प्राजक्ता माळीने तिच्या अधिकृत इन्स्टाग्राम अकाऊंटवर जगत् पिता ब्रम्हा मंदिर पुष्कर, राजस्थान येथील दर्शन घेतानाचा फोटो शेअर केला आहे. हा फोटो सोशल मीडियावर व्हायरल झाला आहे.
प्राजक्ताने दर्शन घेतल्यानंतर फोटो शेअर करत, सबंध जगात ब्रम्हाजींची खूप कमी मंदिरे आहेत, हे सर्वात प्रसिद्ध. ब्रम्हदेवाने आपल्या मंत्रोच्चाराने एक स्त्री निर्माण केली. तीला वाणी, बुद्धी, वेदांचं सामर्थ्य दिलं. जगातील सर्व मनुष्यांच्या जीभेवर सदैव नृत्य करशील असा आशिर्वाद दिला. ती इतकी सुंदर निपजली की जेव्हा ती प्रकटली तेव्हा स्वतः ब्रम्हदेव तीच्यावर भाळले.
पुढे प्राजक्ता म्हणाली, स्वतः जन्म दिलेल्या मुलीवर भाळले म्हणून भगवान शिवानं त्यांना शाप दिला की पृथ्वीवर त्यांना कोणी पूजणार नाही. पुणे विद्यापीठात नृत्यांचं शिक्षण घेत असताना “सरस्वती कौतूकम् “ मध्ये ही कथा मी सादर करायचे, त्याची आज खूप आठवण आली. एका उःशापामुळे पुष्कर मध्ये हे मंदिरं स्थित आहे. असं म्हटलं जातं असे कॅप्शन दिले.
प्राजक्ताची ही पोस्ट व्हायरल होताच अनेकांनी त्यावर कमेंट केल्या आहेत. एका यूजरने, घरचे देव आधी पाळायचे, मग बाहेर. घरचे देव दु:खी ठेवून बाहेर शूटसाठी करतो आपण त्याला काहीच लाभ नाही. कडू आहे पण सर्वांना मेसेज आहे कुळ देवी कुळ दैवत सर्व प्रतम एवढाच संदेश अशी कमेंट केली आहे.
Source: TV9 Marathi National
