ವಿರಾಟ್ ಕೊಹ್ಲಿ ಮೈದಾನದಲ್ಲಿ ಕೇವಲ ಬ್ಯಾಟಿಂಗ್ ಮಾತ್ರವಲ್ಲದೆ, ತಮ್ಮ ವಿಭಿನ್ನ ನಡೆ ಹಾಗೂ ವರ್ತನೆಗಳಿಂದಲೂ ಪ್ರೇಕ್ಷಕರ ಗಮನ ಸೆಳೆಯುತ್ತಿರುತ್ತಾರೆ. ಆಕ್ಲೆಂಡ್ನಲ್ಲಿ ನಡೆದ ನ್ಯೂಝಿಲೆಂಡ್ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲೂ ಅಂತಹದ್ದೇ ಒಂದು ಹಾವಭಾವ ಪ್ರದರ್ಶಿಸಿರುವ ಅವರು, ಕಿವೀಸ್ ಬ್ಯಾಟರ್ ಗ್ಲೆನ್ ಫಿಲಿಪ್ಸ್ ಅವರನ್ನು ಕೆಣಕಲು ಯತ್ನಿಸಿದ್ದಾರೆ.
WWE ದಿಗ್ಗಜ ಜಾನ್ ಸೀನಾ ಅವರ ಪ್ರಸಿದ್ಧ “ಯೂ ಕಾಂಟ್ ಸೀ ಮೀ” ಹಾವಭಾವವನ್ನು ಪ್ರದರ್ಶಿಸಿದ ಕೊಹ್ಲಿ, ಕ್ರೀಸ್‌ಗೆ ಆಗಮಿಸುತ್ತಿದ್ದ ಬ್ಯಾಟರ್ ಗ್ಲೆನ್ ಫಿಲಿಪ್ಸ್ ಎದುರು ಈ ಸವಾಲಿನ ನಡೆ ತೋರುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ.”
ಆಕ್ಲೆಂಡ್‌ನ ಈಡನ್ ಪಾರ್ಕ್ ಮೈದಾನದಲ್ಲಿ ನಡೆದ ಈ ತಮಾಷೆಯ ಪ್ರಸಂಗದ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ.
WWE ಮ್ಯೂಸಿಕ್ಗೆ ಕೊಹ್ಲಿ ಎಂಟ್ರಿ!
ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ನ್ಯೂಝಿಲೆಂಡ್ ಬ್ಯಾಕ್ ಟು ಬ್ಯಾಕ್ ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಈ ವೇಳೆ ಮಧ್ಯಮ ಕ್ರಮಾಂಕದ ಬ್ಯಾಟರ್ ಗ್ಲೆನ್ ಫಿಲಿಪ್ಸ್ ಕ್ರೀಸ್‌ಗೆ ಆಗಮಿಸಿದರು. ವಿಶೇಷವೆಂದರೆ, ಫಿಲಿಪ್ಸ್ ಬ್ಯಾಟಿಂಗ್‌ಗೆ ಬರುವಾಗ ಸ್ಟೇಡಿಯಂನಲ್ಲಿ WWE ಸ್ಟಾರ್ ಜಾನ್ ಸೀನಾರ ಪ್ರಸಿದ್ಧ ಎಂಟ್ರಿ ಥೀಮ್ ಮ್ಯೂಸಿಕ್ “ದಿ ಟೈಮ್ ಈಸ್ ನೌ” ಪ್ಲೇ ಮಾಡಿದ್ದರು.
ಸ್ಟೇಡಿಯಂನಲ್ಲಿ ಜಾನ್ ಸೀನಾ ಮ್ಯೂಸಿಕ್ ಮೊಳಗುತ್ತಿದ್ದಂತೆ ಅಲರ್ಟ್ ಆದ ವಿರಾಟ್ ಕೊಹ್ಲಿ, ಇದನ್ನು ಕೇವಲವಾಗಿ ಬಿಡಲಿಲ್ಲ. ಫಿಲಿಪ್ಸ್ ಗಾರ್ಡ್ ತಗೆದುಕೊಳ್ಳಲು ನಡೆಯುತ್ತಿದ್ದಾಗ, ಅವರ ಮುಂದೆಯೇ ಸಾಗಿದ ಕೊಹ್ಲಿ ತಮ್ಮ ಕೈಯನ್ನು ಮುಖದ ಮುಂದೆ ಆಡಿಸುವ ಮೂಲಕ ಜಾನ್ ಸೀನಾರ ಸಿಗ್ನೇಚರ್ ಸ್ಟೆಪ್ ಹಾಕಿ ಕೆಣಕಲು ಯತ್ನಿಸಿದರು.
ಇತ್ತ ವಿರಾಟ್ ಕೊಹ್ಲಿ ತಮ್ಮನ್ನು ಕೆಣಕಲು ಮುಂದಾಗಿರುವುದನ್ನು ಅರಿತರೂ ಗ್ಲೆನ್ ಫಿಲಿಪ್ಸ್, ಡೋಂಟ್ ಕೇರ್ ಹಾವಭಾವದಲ್ಲಿ ಡ್ಯಾರಿಲ್ ಮಿಚೆಲ್ ಜೊತೆ ಮಾತುಕತೆಯಲ್ಲಿ ತೊಡಗಿಕೊಂಡರು. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ವೈರಲ್ ಆಗಿದೆ.
Virat Kohli Doing The John Cena Celebration Vs New Zealand
.
Both My Favourites @imVkohli & @JohnCenahttps://t.co/ggOdOzEgRv
— Sports&Toons (@PatelSwayam26) November 4, 2026
ಒಟ್ಟಾರೆಯಾಗಿ, ಮೈದಾನದಲ್ಲಿ ವಿರಾಟ್ ಕೊಹ್ಲಿ ತೋರಿದ ಈ ಆಕ್ರಮಣಕಾರಿ ಹಾಗೂ ತಮಾಷೆಯ ನಡೆ ಮತ್ತು ಅದಕ್ಕೆ ಫಿಲಿಪ್ಸ್ ನೀಡಿದ ಶಾಂತ ಪ್ರತಿಕ್ರಿಯೆ ಕ್ರಿಕೆಟ್ ಅಭಿಮಾನಿಗಳಿಗೆ ಭರಪೂರ ಮನರಂಜನೆ ನೀಡಿದೆ. ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಈ ದೃಶ್ಯ ಸಖತ್ ಸೌಂಡ್ ಮಾಡುತ್ತಿದ್ದು, ಭಾರತ ಮತ್ತು ನ್ಯೂಝಿಲೆಂಡ್ ನಡುವಿನ ಪೈಪೋಟಿಗೆ ಮತ್ತಷ್ಟು ರಂಗು ತಂದಿದೆ.
Source: TV9 Kannada Sports
