मुंबई: ‘मास्टर ब्लास्टर’ आणि ‘क्रिकेटचा देव’ सचिन तेंडुलकरच्या पोस्टने सर्वांचेच लक्ष वेधले आहे. क्रिकेट फॅन्समध्ये पुन्हा एकदा त्याच्या पोस्टची सोशल मीडियावर चर्चा होताना दिसत आहे. भारतीय क्रिकेटसाठी आणि सचिन तेंडुलकरसाठी आजचा दिवस अर्थात 15 नोव्हेंबर हा दिवस अत्यंत खास आहे. आजच्या दिवशी सचिनला आंतरराष्ट्रीय क्रिकेटविश्वामध्ये पदार्पण करून 37 वर्षे झाली आहेत. सचिनने आपल्या आंतरराष्ट्रीय पदार्पणाची 37 वर्षे सेलिब्रेट करताना दिसत आहे. सचिनने त्याच्या बालपणीचा एका अतिशय प्रसिद्ध फोटोचे हुबेहूब रिक्रिएशन केलेले पाहायला मिळत आहे. ह्या फोटोची सोशल मीडियावर क्रिकेटप्रेमींमध्ये एकच चर्चा रंगली आहे.
https://www.prahaar.in/2026/11/15/india-vs-new-zealand-a-thrilling-victory-for-team-india-they-defeat-new-zealand-by-22-runs-to-win-the-odi-series-2/
जेव्हा जेव्हा सचिनच्या महान क्रिकेट प्रवासाचा विषय समोर येतो, त्यावेळी त्याच्या बालपणीचे अनेक किस्से आपल्या समोर येतात. सचिनने एक्सवर त्याचे दोन फोटोज् शेअर केले आहेत. त्यापैकी त्याचा एक फोटो बालपणीचा आहे आणि दुसरा फोटो त्याचा सध्याचा आहे. बालपणीची सेम टू सेम आयकॉनिक पोज देत, सचिनने फोटो शेअर केले आहेत. “पहले बॅट की बात है… 49 साल बाद भी मेरे साथ है” असं कॅप्शन देत सचिनने एक्सवर फोटोवर शेअर केले आहे. दोन्हीही फोटोंमध्ये सचिनच्या हातात त्याची एकच बॅट पाहायला मिळत आहे. त्याची ती बालपणीची बॅट पाहायला मिळत आहे. सचिनने बालपणी सुद्धा आणि आता सुद्धा तिच बॅट हातात घेत फोटो शेअर केलेला आहे.
Pehle bat ki baat hai, 49 saal baad bhi mere saath hai!❤️ https://t.co/kuRzxTfOoF
— Sachin Tendulkar (@sachin_rt) November 15, 2026
15 नोव्हेंबर 1989 साली वयाच्या 16 व्या सचिन तेंडुलकरने पहिल्यांदा आंतरराष्ट्रीय क्रिकेटमध्ये पदार्पण केले. भारत विरुद्ध पाकिस्तान मॅचच्या दरम्यान, कराचीतील मैदानामध्ये सचिनने पहिली कसोटी सामना खेळला. या सामन्यामध्ये सचिनने 15 धावा केल्या होत्या. 15 धावांमध्येच तो बाद झाला. कसोटी क्रिकेटमधील पहिले शतक पूर्ण करण्यासाठी सचिनला एक वर्षे लागला. ऑगस्ट 1990 मध्ये इंग्लंडविरुद्ध मँचेस्टरमध्ये झालेल्या आंतरराष्ट्रीय क्रिकेट कसोटीमध्ये सचिनने 119 धावांची नाबाद खेळी केली. आपल्या प्रदीर्घ कारकिर्दीत आंतरराष्ट्रीय क्रिकेटमध्ये शतकांचे शतक पूर्ण करत सचिनने इतिहास घडवला.
https://www.prahaar.in/2026/11/15/pakistani-fans-chant-sehwag-sehwag-thrilling-338-run-chase-and-aaryavir-emotional-video-call-to-father-virender-sehwag/
दरम्यान, सचिन तेंडुलकर त्याच्या क्रिकेट कारकिर्दित, सर्वात परिपूर्ण फलंदाज आणि आंतरराष्ट्रीय क्रिकेटमधील सर्वाधिक धावा करणारा खेळाडू राहिला आहे. त्याने आपल्या 22 वर्षांहून अधिकच्या कारकिर्दीत कसोटी आणि एकदिवसीय क्रिकेटमध्ये शतकांचे अनेक विक्रम प्रस्थापित केले. 34,357 धावांसह क्रिकेटच्या इतिहासात सर्वोच्च स्थानी आपले स्थान कायम ठेवले आहे. त्याने 200 कसोटी सामन्यांमध्ये 15,921 धावा आणि 463 एकदिवसीय सामन्यांमध्ये 18,426 धावा केल्या आहेत. 2011 च्या विश्वचषक विजयातही त्याची भूमिका अत्यंत महत्त्वाची होती.
Source: Prahaar News
