५ नोव्हेंबर रोजी चित्रपटगृहांमध्ये प्रदर्शित झालेला ‘रामायण’ हा चित्रपट बॉक्स ऑफिसचे विक्रम मोडत आहे. मात्र, चित्रपटाच्या निर्मितीदरम्यानचे काही व्हिडिओ सोशल मीडियावर व्हायरल झाल्यावर, त्यातील कलाकारांची निवड, तांत्रिक बाबीबद्दल अनेक प्रश्न उपस्थित झाले होते. रणबीर कपूर श्रीरामाची भूमिका साकारणार असल्याची बातमी समोर आली, तेव्हा लोकांमध्ये प्रचंड संताप निर्माण झाला होता. याचं कारण म्हणजे अभिनेत्याचा मांसाहारी पदार्थ खातानाचा एक जुना व्हिडिओ होता. अलीकडेच, चित्रपटात श्रीरामाची भूमिका साकारणाऱ्या रणबीर कपूरच्या आई कौशल्याची भूमिका साकारणाऱ्या अभिनेत्री इंदिरा कृष्णन यांनी, ‘रामायण’च्या प्रदर्शनापूर्वी आलेल्या मेसेजबद्दल आणि ट्रोलिंगवर भाष्य केलं आहे.
काय म्हणाल्या इंदिरा कृष्णन?
‘रामायण’च्या यशाबद्दल न्यूज१८ शी बोलताना, इंदिरा कृष्णन म्हणाल्या, ‘मला आठवतंय, अनेक लोकांनी मला मेसेज करून विचारलं होतं, ‘तर तुम्ही एका गोमांस खाणाऱ्याच्या आईची भूमिका साकारणार आहात?’ त्या वेळी बऱ्याच घडामोडी घडत होत्या. रणबीरला रामाच्या भूमिकेसाठी निवडल्यानं लोक नाराज होते. बीफ खाण्याबद्दलच्या त्याच्या जुन्या मुलाखती व्हायरल होऊ लागल्या होत्या.’
‘रणबीरला खूप वाईट प्रकारे ट्रोल केलं गेलं, पण त्यानं कधीही प्रतिक्रिया दिली नाही. तो शांतपणे सेटवर यायचा आणि आपले 200% द्यायचा. मला वाटतं की, यापैकी काही ट्रोलर्सना पैसे दिले गेले होते, ज्यांना ‘रामायण’ यशस्वी व्हावं असं वाटत नव्हतं.’ असंही इंदिरा म्हणाल्या.
‘रणबीर या संपूर्ण प्रक्रियेदरम्यान तो पूर्णपणे शाकाहारी झाला होता, कारण मी त्याला सेटवर फक्त फळं खाताना पाहिलं होतं. तो सकाळी उठून तीन तास व्यायाम करायचा आणि संध्याकाळीही तेवढेच तास घालवायचा. त्याचा एक ठरलेला दिनक्रम होता. मी सेटवर जवळजवळ नेहमीच त्याच्यासोबत असायचे. त्याच्या व्हॅनिटी व्हॅनमध्येही फक्त फळेच असायची. ‘रामायण’साठी तो पूर्णपणे प्रभू राम बनण्याच्या मार्गावर होता.’ असंही इंदिरा यांनी सांगितलं.
दरम्यान, ‘रामायण’ चित्रपटगृहांमध्ये अवघ्या एका आठवड्यापूर्वी प्रदर्शित झाला आणि काही दिवसांतच, नितेश तिवारीच्या या पौराणिक चित्रपटानं देशांतर्गत बॉक्स ऑफिसवर 511 कोटी रुपयांची निव्वळ कमाई केली आणि जगभरात 934 कोटी रुपये कमावले.
Source: TV9 Marathi Entertainment
